كونە سارايشىق قالاسىنداعى قازبا جۇمىستارى قايتادان باستالدى

اتىراۋ. قازاقپارات - اتىراۋ وبلىسى ماحامبەت اۋدانىنىڭ سارايشىق اۋىلىندا ەسكى قالانىڭ ورنىن قازۋ جۇمىستارى قايتا باستالدى، دەپ حابارلايدى «قازاقپارات» ح ا ا ءتىلشىسى.

«ءبىر كەزدەرى ۇلى جىبەك جولىنىڭ بويىندا ورنالاسقان كونە سارايشىق قالاسىنىڭ ورنى - «قازاقستاننىڭ كيەلى جەرلەرىنىڭ گەوگرافياسى» نىساندارىنىڭ تىزىمىنە ەندى»، - دەدى اتىراۋ تاريحي-ولكەتانۋ مۇراجايىنىڭ ديرەكتورى راشيدا حاريپوۆا.

«رۋحاني جاڭعىرۋ» باعدارلاماسىن جۇزەگە اسىرۋ اياسىندا ءبىزدىڭ مۋزەيىمىز بيىل كونە قالا ورنىن قازۋ جۇمىستارىن باستادى. سوڭعى رەت مۇنداي جۇمىستار ون جىل بۇرىن جۇرگىزىلگەن. ارحەولوگتار قىركۇيەك ايىنىڭ سوڭىنا دەيىن جۇمىس ىستەيدى»، - دەپ ءمالىم ەتتى راشيدا حاريپوۆا.

كونە سارايشىق قالاسىن زەرتتەۋ باعدارلاماسى كەلەسى جىلى دا جالعاساتىن بولادى.