قازاقستاندىق بالالار گولفتان ەل چەمپيوناتىندا سىنعا تۇسەدى

استانا. قازاقپارات - 23-24- تامىز كۇندەرى الماتىدا گولفتان بالالار اراسىندا قازاقستاننىڭ اشىق چەمپيوناتى وتەدى، دەپ حابارلايدى قازاقپارات.

«نۇرتاۋ» گولف-كلۋبىندا وتەتىن چەمپيوناتتا 5-17 جاس ارالىعىنداعى بالالار سىنعا تۇسەدى.

ايتا كەتەرلىگى، جارىسقا بارلىق قالاۋشىلار قاتىسا الادى. سونىمەن قاتار، قازاقستاننىڭ تۇكپىر-تۇكپىرىنەن جانە شەت ەلدەردەن كەلگەن سپورتشىلار دا باق سىناي الادى.

تۋرنير الماتى قالاسى اكىمدىگىمەن بىرلەسىپ، گولفتان جاڭا باعدارلاماعا سايكەس اقىسىز ۇيىمداستىرىلادى.

ەستەرىڭىزگە سالا كەتسەك، «نۇرتاۋ» گولف- كلۋبىنىڭ كاسىپقوي باپكەرلەرى 6-13 جاس ارالىعىنداعى بالالار اراسىندا تەگىن شەبەرلىك ساباقتارىن كۇن سايىن (دۇيسەنبىدەن جۇماعا دەيىن) وتكىزىپ كەلەدى.

ءار جەتكىنشەك وزىنە ىڭعايلى ۋاقىتتى تاڭداپ، اپتاسىنا ەكى مارتە گولفپەن شۇعىلدانا الادى. جەڭىمپازدار مەن جۇلدەگەرلەر كۋبوكتارمەن ماراپاتتالادى.