ءال-فارابي اتىنداعى قازاق ۇلتتىق ۋنيۆەرسيتەتى گرانت سانى بويىنشا كوش باسىندا

استانا. قازاقپارات - ءتورت مىڭ ءبىر جۇزدەن استام ۇزدىك مەكتەپ تۇلەكتەرى قاز ۇ ۋ- دا ءبىلىم الۋ گرانتىن جەڭىپ الدى، ولاردىڭ كوبى «التىن بەلگى» يەگەرلەرى، حالىقارالىق جانە رەسپۋبليكالىق وليمپيادا جەڭىمپازدارى.

ءال-فارابي اتىنداعى قازاق ۇلتتىق ۋنيۆەرسيتەتى ءبىلىم الۋعا بەرىلگەن گرانت سانى بويىنشا ەلىمىزدىڭ جوعارى وقۋ ورىندارى اراسىندا ءسوزسىز كوش باستادى.

قازاقستاندىق جوعارى ءبىلىم بەرۋدىڭ بۇكىل تاريحىندا مۇنداي ناتيجەگە ەشقانداي وقۋ ورنى قول جەتكىزبەگەن. قازۇۋ گرانت سانى بويىنشا وزگە جوو- دان نەعۇرلىم الدا كەلەدى. مۇنداي ناتيجە تالاپكەرلەردىڭ سانالى ءارى ماقساتتى تاڭداۋىن، قازۇۋ- عا دەگەن قوعامداعى جوعارى سەنىمدى ايعاقتايدى.

 

بۇگىندە ساپالى ءبىلىم جاستار ءۇشىن ماڭىزدى ومىرلىك باسىمدىق بولىپ تابىلادى. وسى جىلى ۋنيۆەرسيتەتكە تۇسۋشىلەر تەحنيكالىق جانە جاراتىلىستانۋ- عىلىمي باعىتتاعى ماماندىقتارعا باسىم تاڭداۋ جاسادى. سوندىقتان ەڭ ۇلكەن بايقاۋ راديوتەحنيكا، ەلەكترونيكا جانە تەلەكوممۋنيكاتسيالار، اقپاراتتىق جۇيەلەر، اۆتوماتتاندىرۋ جانە باسقارۋ، ستاندارتتاۋ، سەرتيفيكاتتاۋ جانە مەترولوگيا، بيوتەحنولوگيا سىندى ماماندىقتار بويىنشا جۇرگىزىلدى. سونىمەن قاتار اۋدارما ءىسى، حالىقارالىق قاتىناستار، قۇقىقتانۋ، قارجى، ەسەپ جانە اۋديت، ەكونوميكا جانە حالىقارالىق قۇقىق ماماندىقتارى تالاپكەرلەر اراسىندا تانىمال. ماگيستراتۋرا مەن دوكتورانتۋراعا تۇسۋگە دە بايقاۋ وتە جوعارى. جەكەلەگەن ماماندىقتار بويىنشا ۇمىتكەرلەر سانى ءبىر ورىنعا 20-دان اسا ادامنان كەلەدى.

قاز ۇ ۋ تۇلەكتەرىن ماقتان تۇتادى، ولاردىڭ ىزدەنىمپازدىعى مەن تابىستىلىعى - وقۋ ورداسى قىزمەتىنىڭ باستى كورسەتكىشى. جۇمىس بەرۋشىلەر جۇمىسقا قابىلداردا قاز ۇ ۋ ديپلومى بار ماماندارعا باسا ءمان بەرەدى. ولار ەكونوميكانىڭ سان الۋان سالالارى مەن ەل ءومىرىنىڭ ءتۇرلى اياسىندا سۇرانىسقا يە.

قاز ۇ ۋ الەمنىڭ ۇزدىك 250 ج و و- نىڭ قاتارىندا جانە ءبىلىم، عىلىم مەن يننوۆاتسيانىڭ جەتەكشى ورتالىعى بولىپ تابىلادى. ۋنيۆەرسيتەت الەمنىڭ ايگىلى جوعارى وقۋ ورىندارىمەن قوسديپلومدى ءبىلىم باعدارلامالارىن، اعىلشىن تىلىندە وقىتۋدى جانە حالىقارالىق ىنتىماقتاستىقتى قارقىندى دامىتۋدا، جۇمىس بەرۋشىلەردىڭ تالابىن ەسكەرە وتىرىپ ناتيجەگە باعىتتالعان باسقارۋدىڭ الدىڭعى قاتارلى ادىستەرىن، جاڭا وقۋ باعدارلامالارى مەن تەحنولوگيالاردى ەنگىزۋدە. قاز ۇ ۋ- دا ءبىرىنشى كۋرس ستۋدەنتتەرىن قىزىقتى ءارى مازمۇندى ستۋدەنتتىك ءومىر كۇتۋدە، بىرەگەي كامپۋستا تابىستى وقۋ مەن شىعارماشىلىق مۇمكىندىكتەرىن جۇزەگە اسىرۋ ءۇشىن بارلىق جاعداي جاسالعان.