قىتايدا وتكەن جەكپە-جەكتە «قازاق جاۋىنگەرى» قارسىلاسىن نوكاۋتقا ءتۇسىردى

استانا. قازاقپارات - «قازاق جاۋىنگەرى» دەگەن لاقاپ اتپەن بەلگىلى ەلحات نىعمەتوللا كاسىپقوي بوكستاعى ونىنشى جەڭىسىنە قول جەتكىزدى.

«پروفي بوكس كازاحستانا» مالىمەتىنشە، قىتايدىڭ جينان قالاسىندا وتكەن بوكس كەشى اياسىندا WBO تۇجىرىمى بويىنشا ەڭ جەڭىل سالماقتاعى ازيا چەمپيونى بەلبەۋى ءۇشىن جەكپە-جەكتە ەلحات نىعمەتوللا تايلاندتىق بوكسشى كايونساك پوتانگتى ەكىنشى راۋندتا نوكاۋتقا ءتۇسىردى.

ەلحات نىعمەتوللا مانساپ جولىندا 11 كەزدەسۋ وتكىزىپ، ونىڭ ەكەۋىندە نوكاۋتپەن جەڭىسكە جەتكەن. ال 35 جاستاعى كايونساك پوتانگ 25 رەت جەڭىسكە جەتىپ (17 سى نوكاۋتپەن)، 17 رەت جەڭىلىپ كورگەن (14 ى مەرزىمىنەن بۇرىن).

ايتا كەتەيىك، «قازاق جاۋىنگەرى» اتتى لاقاپ اتپەن ونەر كورسەتىپ جۇرگەن ەلحات نىعمەتوللا قانات يسلامنىڭ جەرلەسى بولىپ كەلەدى. ەكى سپورتشى دا قىتايدىڭ شىنجاڭ پروۆينسياسى ىلە- قازاق اۆتونومدى وكرۋگىندەگى التايدا دۇنيەگە كەلگەن.

بۇل تۋرالى Vesti.kz حابارلايدى.