ق ر قورعانىس ءمينيسترىن وزبەكستاننىڭ پرەزيدەنتى قابىلدادى
تاشكەنت قالاسىندا ق ر قورعانىس ءمينيسترىنىڭ وزبەكستان قورعانىس ۆەدومستۆوسىنىڭ باسشىسى گەنەرال-پولكوۆنيك كابۋل بەرديەۆپەن رەسمي كەزدەسۋى ءوتتى.
كەزدەسۋ بارىسىندا تاراپتار ەكىجاقتى ىنتىماقتاستىقتىڭ كەلەشەك باعىتتارىن، سونداي- اق وڭىردەگى قاۋىپسىزدىكتىڭ قاۋىپ-قاتەرلەرىنە جەدەل دەن قويۋ مانماتىنىندە قورعانىس سالاسىندا ءىس جۇزىندە ءوزارا ءىس-قيمىلدى نىعايتۋ ماسەلەلەرىن ەگجەي-تەگجەيلى تالقىلادى.
ەكىجاقتى كەزدەسۋ قورىتىندىسى بويىنشا تاراپتار اسكەرلەردىڭ بىرلەسكەن جەدەل جانە جاۋىنگەرلىك دايارلىعى شەڭبەرىندەگى جانە اسكەري ءبىلىم بەرۋ اياسىنداعى ءىس-شارالاردى قامتيتىن اسكەري ىنتىماقتاستىق جوسپارىنا قول قويدى.
قازاقستان مەن وزبەكستان اسكەري ۆەدومستۆولارىنىڭ ەكىجاقتى قارىم- قاتىناسى تاريحىندا مۇنداي قۇجات العاش رەت جاسالىپ وتىرعانىن ايتا كەتۋ قاجەت. ساپار اياسىندا قر قورعانىس ءمينيسترىن وزبەكستاننىڭ پرەزيدەنتى شاۆكات ميرزيەيەۆ قابىلدادى. رەسپۋبليكا پرەزيدەنتى ەكى ەلدىڭ قارۋلى كۇشتەرى اراسىنداعى ءوزارا ءىس-قيمىلدىڭ قارقىندىلىعىنا قاناعاتتاندىرىلعانىن ءبىلدىرىپ، ءوڭىردىڭ قاۋىپسىزدىگى ءۇشىن قورعانىس سالاسىندا ىنتىماقتاستىقتى نىعايتۋ قاجەتتىلىگى تۋرالى پىكىرىن ايتتى.
ءوز كەزەگىندە، س. جاسۇزاقوۆ وزبەكستان رەسپۋبليكاسىنىڭ پرەزيدەنتىن قۇشاق جايا قارسى العانى ءۇشىن العىسىن ءبىلدىرىپ، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ جىلى لەبىزدەرىن جەتكىزدى. قورعانىس ۆەدومستۆوسىنىڭ باسشىسى اسكەري جانە اسكەري-تەحنيكالىق سالالاردا قازاقستاندىق- وزبەكستاندىق ءوزارا ءتيىمدى سەرىكتەستىكتى ءارى قاراي نىعايتۋعا مۇددەلىلىگى مەن ازىرلىگىن اتاپ ءوتتى.
قازاقستاندىق دەلەگاتسيانىڭ وزبەكستاندا بولۋى كەزىندە كوكاند ق. ءو ر ق ك اسكەري بولىمدەرىنىڭ بىرىنە بارۋ ۇيىمداستىرىلدى.
وزبەك ارىپتەستەرىمىز جەكە قۇرامنىڭ كۇندەلىكتى تىنىس- تىرشىلىگى مەن جاۋىنگەرلىك دايارلىعىنىڭ ۇيىمداستىرىلۋ ۇدەرىسىن، سونداي-اق وزبەك ارمياسى اسكەري قىزمەتشىلەرىنىڭ تۇرمىس جاعدايىن پاش ەتتى. ەكى كۇندىك ساپارىنىڭ سوڭىندا قازاقستاننىڭ قورعانىس ءمينيسترى گەنەرال-پولكوۆنيك ساكەن جاسۇزاقوۆ وزبەكستاننىڭ تۇڭعىش پرەزيدەنتى يسلام كارىموۆتى ەسكە الىپ، سامارقاند قالاسىندا ورنالاسقان قابىرىنە گۇل شوقتارىن قويدى.
