اقتوبەنى كورىكتەندىرمەك بولعان بيلىك ارەكەتى سىنعا ۇشىرادى

اقتوبە. قازاقپارات - اقتوبەدە تۇرعىن ۇيلەردىڭ قاسبەتىن بوياۋ جۇمىستارى قارقىندى ءجۇرىپ جاتىر.

تۇرعىندار جەرگىلىكتى بيلىكتىڭ بۇل شەشىمىنە ءوز پىكىرلەرىن ءبىلدىرىپ، كەيبىرىن قايتا بوياۋعا ءماجبۇر ەتتى، دەپ حابارلايدى قازاقپارات ءتىلشىسى.

اقتوبە قالاسىنداعى تۇرعىن ۇيلەردىڭ سۇرەڭسىز كەيپىن وزگەرتۋ ءۇشىن جەرگىلىكتى بيلىك ولاردىڭ قاسبەتىن بوياۋعا كوشتى.

قازىرگى كەزدە قالا ورتالىعى مەن قالا قوناقتارى كوپ شوعىرلاناتىن كوشەلەردەگى تۇرعىن ۇيلەردىڭ قابىرعاسى بويالىپ جاتىر. ماسەلەن، تەمىرجول ۆوكزالى مەن 11, 12 ىقشام اۋداندار، قالانىڭ باس داڭعىلدارىنداعى ۇيلەر بويالدى، جارىقشامدارمەن بەزەندىرىلدى.

ءبىراق كەيبىرى تۇرعىنداردىڭ سىنىنا ىلىككەن سوڭ جەرگىلىكتى بيلىك ۇيلەردىڭ سىرتىن قايتا باياۋعا كوشكەن.

بۇعان دەيىن حابارلاعىمىزداي، كەمپىرقوساقتىڭ تۇسىنە ساي دەپ بويالعان ءۇيدىڭ قابىرعاسى گەيلەردىڭ تۋىمەن ساي كەلىپ، اقتوبە قالاسىنىڭ ساۋلەت جانە قالا قۇرىلىسى ءبولىمىنىڭ باسشىسى تانات شەگەبايەۆ بۇل سىنعا ءوز جاۋابىن ايتقان بولاتىن.

ءۇيدىڭ قاسبەتىن باسقا تۇسكە بويامايمىز دەپ شەشىمدى پىكىر ايتقانىمەن، كەيىن بۇل ويىنان اينىپ قالدى. ءقازىر ءۇيدىڭ قابىرعاسى اق تۇسكە بويالعان.

ايتا كەتەيىك، اقتوبە قالاسىندا 30 دان استام ءۇيدىڭ قاسبەتى تۇندە جانىپ، ءتۇرلى تۇسكە بويالادى. تانات شەگەبايەۆتىڭ ايتۋىنشا، قانشى ءۇيدىڭ بويالاتىنى، وعان قانشا قارجى جۇمسالاتىنى بەلگىسىز.