11:35, 20 - تامىز 2017 | GMT +5
قازاقستان پرەزيدەنتى «بۋراباي» گولف كلۋبىنىڭ اشىلۋ راسىمىنە قاتىستى
استانا. قازاقپارات - قازاقستان پرەزيدەنتى «بۋراباي» گولف كلۋبىنىڭ اشىلۋ راسىمىنە قاتىستى، دەپ حابارلادى بۇگىن اقوردانىڭ باسپا ءسوز قىزمەتى.
مەملەكەت باسشىسى راسىمگە قاتىسۋشىلاردى جاڭا سپورت نىسانىنىڭ اشىلۋىمەن قۇتتىقتاپ، ءوڭىردىڭ تۋريستىك الەۋەتىن ارتتىرۋدىڭ ماڭىزدىلىعىن اتاپ ءوتتى.
ەلباسى جاڭا جوبانىڭ ىسكە اسىرىلۋى وتاندىق جانە شەتەلدىك تۋريستەردىڭ كۋرورتتىق ايماققا قىزىعۋشىلىعىن ودان ءارى ارتتىرۋعا جانە كەلۋشىلەر سانىنىڭ كوبەيۋىنە سەپتىگىن تيگىزەتىنىن ايتتى.
«ءبىز بۋرابايدى قازاقستاننىڭ پەرسپەكتيۆالى تۋريستىك باعىتىنىڭ ءبىرى رەتىندە دامىتقىمىز كەلەدى. بۇل وسى وڭىرگە تۋريستەر مەن سپورت سۇيەر قاۋىمدى تارتۋ ماقساتىمەن جاسالىپ وتىر»، - دەدى نۇرسۇلتان نازاربايەۆ.
