تەمىرتاۋداعى توي كورتەجى جەلىنى شۋلاتتى
استانا. قازاقپارات - تەمىرتاۋدا توي كورتەجى جول ەرەجەسىن ورەسكەل بۇزعان، دەپ حابارلايدى قازاقپارات ءتىلشىسى.
جول قوزعالىسى تارتىپتەرىن بۇزىپ، اپاتتى جاعدايلار تۋدىرعان توي كولىكتەرىن كولىكتىڭ يەسى ۆالەريي پىشكوۆ ۆيدەورەگيستراتوردىڭ كامەراسىنا ماشينا كورتەجىنىڭ جىلان سەكىلدى «بيلەپ» ، ءبىر جولاقتان كەلەسى جولاققا اۋىسىپ كەلە جاتقانىن ءتۇسىرىپ العان. كولىكتەردىڭ جولاقتاردى ءجيى اۋىستىرۋى سالدارىنان باسقا جۇرگىزۋشىلەر توي ماشينالارىمەن سوقتىعىسىپ قالمايىن دەپ، ءوز جولاقتارىمەن جۇرە الماعان.
كورتەج تەك قيىلىستاعى باعدارشامدا جىلدامدىقتى ازايتىپ، سونىڭ ارقاسىندا باسشا كولىك يەلەرى كورتەجدى ارتتا قالدىرعان.
بۇل جاعدايدىڭ كۋاگەرلەرى بولعان كولىك جۇرگىزۋشىلەرى ءۇش اۆتوموبيلدىڭ جۇرگىزۋشىلەرى ۇستالىپ، اپاتتىق جاعداي تۋدىرعانى ءۇشىن اكىمشىلىك جاۋاپقا تارتىلادى دەپ ۇمىتتەنەدى.
ايتا كەتەيىك، توي ماشينالارىنىڭ كورتەجدەرى قازاقستان بويىنشا ۆيدەوروليكتەردىڭ جاعىمسىز كەيىپكەرلەرىنە اينالۋدا.