18:14, 18 - تامىز 2017 | GMT +5
سەمسەرمەن قارۋلانعان ەر ادام پرەزيدەنت سارايىنا كىرمەك بولدى
استانا. قازاقپارات - تايۆاندا سامۋراي سەمسەرىمەن قارۋلانعان ەر ادام پرەزيدەنت سارايىنا كىرمەك بولدى.
بۇل تۋرالى Reuters حابارلادى.
ونىڭ جولىن بوگەمەك بولعان پوليتسەي يىعىنا جاراقات العانىنا قاراماستان، قاسكويدى قارۋسىزداندىردى.
قازىر جاراقات العان ءتارتىپ ساقشىسى اۋرۋحانادا جاتىر، جاعدايى تۇراقتى. شابۋىل جاساعان ادام ۇستالدى، ودان جاۋاپ الىنۋدا. ونى بۇل ارەكەتكە نە يتەرمەلەگەنى ازىرگە بەلگىسىز.
تەك ونىڭ سەمسەردى ۇرلاپ العاندىعى انىقتالدى. شابۋىل كەزىندە پرەزيدەنتتىڭ سارايدا بولعان نە بولماعانى دا بەيمالىم.
قازىر قىتاي رەسپۋبليكاسىنىڭ پرەزيدەنتى دەموكراتيالىق پروگرەسشىل پارتيانىڭ وكىلى تساي ينۆەن. ول ارالدىڭ ازاتتىعى مەن تايۆاندى رەسپۋبليكا رەتىندە جاريالاۋدى جاقتاۋشىلاردىڭ قاتارىندا. ق ح ر- مەن جاقىنداسۋ ساياساتىنا قارسى جانە ءبىر جىنىستى نەكەنىڭ زاڭداستىرىلۋىن قولدايدى.
