شىمكەنتتە ۋلى جىلانداردىڭ ۇيگە كىرۋ وقيعاسى جيىلەدى
شىمكەنت. قازاقپارات - شىمكەنتتە جىلاندار تۇرعىنداردىڭ ۇيىنە كىرىپ كەتۋ وقيعاسى كوپتەپ تىركەلىپ جاتىر.
جەرگىلىكتى قۇتقارۋشىلاردىڭ سوزىنە قاراعاندا، 13 تۇرعىننىڭ باسپاناسىنان جىلان ۇستالعان، دەپ حابارلايدى قازاقپارات ح ا ا ءتىلشىسى.
باۋىرىمەن جورعالاۋشىلار اسىرەسە قالانىڭ شەتىندەگى تۇرعىن ۇيلەردە ءجيى كەزدەسەتىن بولعان. ماسەلەن قۇتقارۋ قىزمەتىنىڭ «112» نومىرىنە ءبىر ازامات حابارلاسىپ، جىلاندى باسپاناسىنان شىعارا الماي جاتقانىن ايتىپتى. وقيعا ورنىنا جەتكەن جەدەل قۇتقارۋ جاساعى ۇزىندىعى 1 مەتر بولاتىن جىلاندى ۇستاپ العان.
ءدال وسىنداي جاعداي قاراتاۋ اۋدانىنداعى جەكە ۇيلەردىڭ بىرىندە ورىن العان. ول جەردەن قۇتقارۋشىلار 70 س م بولاتىن ۋلى جىلان ۇستاپتى. ابىروي بولعاندا ەشكىمدى شاعىپ ۇلگەرمەگەن.
