شەتەلگە شىعۋعا رۇقسات الۋ تالابى جويىلدى
استانا. قازاقپارات - وزبەكستان پرەزيدەنتى شاۆكات ميرزيايەۆ 16- تامىزدا شەتەلگە شىعۋعا رۇقسات بەرەتىن ۆيزا الۋ تالابىن جوياتىن جارلىققا قول قويدى.
وسى جارلىق بويىنشا جاڭادان بيومەتريكالىق ءتولقۇجات ەنگىزىلمەك. جاڭا ءتولقۇجات 2019-جىلدان باستاپ بەرىلە باستايدى.
جارلىقتا شەتەلگە شىعۋ رۇقسات ۆيزاسى وزبەكستان ازاماتتارىنىڭ ەركىن ءجۇرىپ-تۇرۋىنا كەدەرگى كەلتىرەتىنى، ال جاڭا ءتولقۇجات بيۋروكراتيالىق جۇيەنى بۇزىپ، كوررۋپتسيانى السىرەتۋگە سەپتىگىن تيگىزەتىنى ايتىلعان.
كەيبىر ساراپشىلار وزبەكستاندا جاسالىنىپ جاتقان وزگەرىستەرگە بايلانىستى بيلىك ساياسي ديسسيدەنتتەر مەن وپپوزيتسيالىق تۇلعالاردى قارا تىزىمنەن شىعارىپ، اۆتوريتارلىق رەجيمدى السىرەتىپ جاتىر دەپ باعالايدى.
