امەريكالىق لينگۆيست قازاق ءتىلىن ۋلترادىبىستىق تەحنولوگيا ارقىلى زەرتتەۋدە
استانا. قازاقپارات - امەريكالىق لينگۆيست ۋلترادىبىستىق تەحنولوگيامەن قازاق ءتىلىنىڭ سويلەۋ ەرەكشەلىكتەرىن انىقتادى، دەپ حابارلايدى 24.kz.
جاس پروفەسسور، سۋورتمور ۋنيۆەرسيتەتى لينگۆيستيكا كافەدراسىنىڭ دوتسەنتى دجوناتان ۆاشينگتوننىڭ قازاق تىلىنە دەگەن قىزىعۋشىلىعى ەرەكشە.
ول دوكتورلىق ديسسەرتاتسياسىن قورعاپ، قازاق ءتىلىنىڭ شىعۋ تاريحىن تەرەڭىرەك زەرتتەمەك.
ول وسى وقۋ ورداسىندا فونەتيكا مەن فونولوگيانى زەردەلەپ، كومپيۋتەرلىك لينگۆيستيكا جاسايدى.
قازاقستانعا 2004-جىلى كەلگەندە، برەنداي ۋنيۆەرسيتەتىن بىتىرگەن كەز ەدى. تۇركولوگياعا قىزىعۋشىلىق تانىتقانىمەن، ديپلومدىق جۇمىسىن قازاق ءتىلىنىڭ ەرەكشەلىكتەرىنە ارنادى.
ماگيستراتۋرادا وقىپ جۇرگەنىندە تۇرىك الەمىن تەرەڭ زەرتتەي باستادى. «ۋزي اپپاراتىمەن قاراۋعا بولادى. الدىمەن سۇيىقتىقتى قۇيامىز. وسى تەحنولوگيا ارقىلى داۋىستى دىبىس پايدا بولادى. كورىپ تۇرعاندارىڭىزداي، بۇل ءتىلدىڭ الدىڭعى جانە ارتقى بولىگى. «و» ءارىپىن ايتقاندا العا قاراي شىعادى»، - دەيدى لينگۆيست مامان، پروفەسسور دجوناتان ۆاشينگتون.
دجوناتان قازاق ءتىلىنىڭ لاتىن قارپىنە كوشۋى تۋراسىندا پىكىر ءبىلدىردى. وسى ورايدا الەمدىك تاجىريبەگە سۇيەنۋگە كەڭەس بەرەدى.
