اۋىل شارۋاشىلىعى مينيسترلىگى بۇلىنگەن قاربىزداردىڭ ۆيدەوسىن زەرتتەپ شىقتى - كەسكىن
بەلگىلى بولعانداي، ءونىمدى وسىمدىك زيانكەستەرى بۇلدىرگەن، دەپ حابارلايدى قازاقپارات.
وسى ورايدا قازاقستاننىڭ بارلىق وبلىس ورتالىقتارىنداعى بازارلار كارانتيندىك قاداعالاۋعا الىنىپ، قاۋىن شىبىنىنىڭ تارالۋىنا جول بەرمەۋ شارالارى ىسكە اسىرىلۋدا.
«ماۋسىم ايىندا تىركەلگەن بۇل وقيعا بويىنشا تەكسەرۋ جۇرگىزدىك. بۇل كارانتيندىك قاۋىن شىبىنىنا قاتىستى بولىپ وتىر. كوبىنەسە وسى زيانكەس باقشا داقىلدارىن بۇلدىرەدى، سونىمەن قاتار ول ەلىمىزدىڭ وڭتۇستىك وڭىرلەرىندە جانە ورتالىق ازيانىڭ بارلىق ەلدەرىندە تارالعان. وزدەرىڭىز بىلەسىزدەر، جىل سايىن مەملەكەت تاراپىنان اتالعان زيانكەسپەن كۇرەسكە ءتيىستى قارجى بولىنەدى»، - دەدى ق ر ا ش م اگروونەركىسىپتىك كەشەندەگى مەملەكەتتىك ينسپەكسيا كوميتەتىنىڭ ءتوراعاسى ەرجان اينابەكوۆ ۇكىمەتتە وتكەن باسپا ءسوز ءماسليحاتىندا.
ونىڭ اتاپ وتۋىنشە، اتالعان فاكتى بويىنشا بۇل قاتەردى جويۋ اياسىندا كارانتيندىك شارالار ىسكە اسىرىلدى.
ەستەرىڭىزگە سالا كەتەيىك، ق ر ا ش م كوميتەتىنىڭ اۋماقتىق ينسپەكسياسى استانا بازارىنداعى ءشىرىپ كەتكەن قاربىزدار تۋرالى اتىشۋلى بەينەجازباعا قاتىستى پىكىر بىلدىرگەن بولاتىن.
