مىسىردا ەكى مىڭ جىل بۇرىنعى ءۇش مازار تابىلدى
استانا. قازاقپارات - ارحەولوگتار مىسىردىڭ وڭتۇستىگىندە شامامەن ەكى مىڭ جىل بۇرىنعى ءۇش مازاردى تاپتى.
ولار كايردەن وڭتۇستىككە قاراي ەل- مينيا پروۆينسياسى ال- كاميل اۋدانى اۋماعىندا تابىلعان. قابىردەن بىرنەشە تاس ساركوفاگ، سازدان جاسالعان زاتتار شىقتى. ەجەلگى ەگيپەت جوعارى كەڭەسىنىڭ وكىلى ايتۋىنشا، مولانىڭ بىرىنە جارتاستى بۇرعىلاپ تەسىك جاساۋ ارقىلى جەتۋ مۇمكىن بولعان. ول جەردەن ءتورت ساركوفاگ تابىلدى. ەكىنشى قابىر جاس بالانى جەرلەۋگە ارنالعان. بالشىقتان جاسالعان زاتتاردىڭ سىنىقتارىن زەرتتەگەن عالىمدار ساركوفاكتاردىڭ جاسى شامامەن 2 مىڭ جىل بۇرىن بولعان دەگەن تۇجىرىمعا كەلىپ وتىر.
ەكسپەديتسيا باسشىسى الي باكريدىڭ ايتۋىنشا، بۇل جەردەن ەر ادامنىڭ دا، ايەلدەردىڭ دە سۇيەكتەرى تابىلعان. ەجەلگى ەگيپەت جوعارى كەڭەسى جاڭا جۇمباقتاردىڭ قۇپياسىن اشۋ ءۇشىن قازبا جۇمىستارىن جالعاستىرا بەرەتىن بولادى. ايتا كەتكەن ءجون، قابىرلەر ورنىن زەرتتەۋ جۇمىستارى 2015 -جىلى باستالعان.
اۆتور: ەرلان قوجاكەلديەۆ
