الەمدەگى ەڭ باي سپورتشى قىز انىقتالدى

استانا. قازاقپارات - امەريكالىق سەرەنا ۋيليامس ەكىنشى جىل قاتارىنان ەڭ باي سپورتشى قىز اتاعىنا يە بولىپ وتىر.

بۇل تۋرالى Forbes سايتىندا جاريالاندى، دەپ حابارلايدى Baq.kz اقپارات اگەنتتىگى lenta.ru عا سىلتەمە جاساپ.

2017 -جىلى 35 جاستاعى ۋيليامس 27 ميلليون دوللار تابىس تاپقان. سپورتشىنىڭ تابىسى جارنامالىق كەلىسىمدەردەن، شارالارعا قاتىسۋدان جانە ءارتۇرلى تۋرنيرلەردەگى جەڭىستەرىنەن كەلىپ ءتۇسىپتى.

ەكىنشى ورىندا تاعى ءبىر تەننيسشى - انگەليك كەربەر (12,6 ميلليون) ، ءۇشىنشى ورىندا امەريكالىق اۆتوشاباندوز - دانيكا پاتريك (12,2 ميلليون) ، ءتورتىنشى ورىندا ارالاس جەكپە- جەكتىڭ شەبەرى - روندا روۋزي (11 ميلليون) . ەڭ اۋقاتتى سپورتشىلاردىڭ بەستىگىن سەرەنا ۋيليامستىڭ اپكەسى - ۆينۋس (10,5 ميلليون) بەكىتتى. 2005 - جىلدان باستاپ باي سپورتشىلاردىڭ وندىعىندا بولعان رەسەيلىك ماريا شاراپوۆا بولسا بۇل تىزىمنەن تابىلمادى.

19 - ساۋىردە كىشى ۋيليام ءوزىنىڭ جۇكتى ەكەنىن حابارلاعان بولاتىن. قازىرگى ۋاقىتتا تەننيسشى تۋرنيرلەرگە قاتىسپايدى. ول 2018 -جىلى كورتقا قايتا ورالماق.

 تەگتەر سەرەنا ۋيليامس تەننيس سپورت شاراپوۆا روندا روۋزي دانيكا پاتريك