ايەلىن ءولتىرىپ العان ەر ادام ميليتسياعا ءوزى كەلدى

ق ر ءى ءى م باسپا ءسوز قىزمەتىنىڭ حابارلاۋىنا قاراعاندا، 14- تامىز كۇنى قىرعىزستان رەسپۋبليكاسى ءى ءى م كريمينالدى ميليتسيا قىزمەتىنە ءوز ايەلىن ءولتىرىپ العاندىعىن ايتىپ بىشكەك قالاسىنىڭ ا. ۋ. ەسىمدى 49 جاسار تۇرعىنى كەلگەن.

ا. ۋ. ايتۋىنشا، ول 11- تامىز كۇنى تالاس وبلىسىنىڭ تۋماسى، 36 جاستاعى ايەلىمەن ىستىقكول وبلىسىنداعى تامشى اۋىلىنا دەمالۋعا كەلگەن.

دەمالىس كۇندەرىن وتكىزۋدى جوسپارلاعان ولار جەكە ءۇي جايدان بولمە جالداعان. 12- تامىز كۇنى شامامەن ساعات 22.30 دا ايەلى ەكەۋى سپيرتتىك ىشىمدىك ىشكەن.

سوسىن ەرلى-زايىپتىلار اراسىندا كەلىسپەۋشىلىكتەر ورناعان. ماس كۇيدەگى ەرى اشۋ ۇستىندە ايەلىن قولىمەن بۋىندىرىپ ولتىرگەن. ايەلىنىڭ كوز جۇمعانىن تۇسىنگەندە، جالدامالى بولمەنى سىرتىنان جاۋىپ، يەسىنە تاعى ءبىر كۇنگە اقشاسىن تولەپ، بولعان جايدى ميليتسيا قىزمەتكەرلەرىنە حابارلاۋ ءۇشىن بىشكەككە شىققان.

اتالعان دەرەك بويىنشا قىرعىز رەسپۋبليكاسى ق ك 97-بابى بويىنشا (ادام ءولتىرۋ) قىلمىستىق ءىس قوزعالدى.