09:40, 15 - تامىز 2017 | GMT +5
قازاقستان قۇراماسى الەم چەمپيوناتىنىڭ «التىنىنان» ءۇمىتتى
استانا. قازاقپارات - م م ا- دان قازاقستان ۇلتتىق قۇراماسى قاراشا ايىندا باحرەين كورولدىگىندە وتەتىن الەم چەمپيوناتىنا دايىندىعىنا كىرىسپەك، دەپ حابارلايدى قازاقپارات.
قازاقستان م م ا قاۋىمداستىعىنىڭ ءتوراعاسى اسىلبەك دۇيسەنوۆتىڭ ايتۋىنشا، كوماندا الدىندا م م ا بويىنشا الەم چەمپيوناتىندا جالپى كوماندالىق ءبىرىنشى ورىندى يەلەنۋ ماقساتى تۇر.
قازىرگى ۋاقىتتا سپورتشىلاردىڭ دايىندىعى ءۇشىن بارلىق جاعداي جاسالعان. وقۋ-جاتتىعۋ جيىندارىنىڭ ورنى مەن ۋاقىتى دا بەلگىلەنگەن.
وقۋ-جاتتىعۋ جيىندارىنىڭ ءبىرىنشى دايىندىق كەزەڭى 25- قىركۇيەكتە باستالادى دەپ جوسپارلانۋدا.
ۇلتتىق قۇرامانىڭ سابىنان جانە وعان ۇمىتكەرلەردىڭ اراسىنان شاقىرىلعان سپورتشىلاردىڭ جارىسقا قاتىسۋ شىعاندارىن قازاقستان م م ا فەدەراتسياسى ءوز موينىنا الادى. دايىندىق جيىندارىنىڭ ناتيجەسى بويىنشا باپكەرلەر قۇرامى فەدەراتسيا باسشىلىعىنىڭ كەلىسىمىمەن الەم چەمپيوناتىنا اتتاناتىن سپورتشىلاردىڭ قۇرامىن بەكىتەتىن بولادى.
