جەل ۇزگەن ەلەكتر سىمى ەكى ادامنىڭ ءومىرىن قيىپ كەتتى
استانا. قازاقپارات - كەزدەيسوق جولاۋشىلار ماسكەۋ تۇبىندەگى بالاشيحا قالاسىندا جەل ءۇزىپ كەتكەن ەلەكتر سىمىنا سوعىلىپ، اجال قۇشتى.
كەلەڭسىز جاعداي چەرنياحوۆسكي كوشەسىندە بولعان. مۇندا سۇراپىل جەل ەلەكتر جەلىسىنىڭ ءبىر بولىگىن ءۇزىپ كەتكەن. ۇزىلگەن ەلەكتر سىمىن وسى ماڭنان ءوتىپ بارا جاتقان ەكى ادام بايقاماعان.
قازىرگى ۋاقىتتا مەرت بولعان جانداردىڭ كىم ەكەندىگىن انىقتاۋ جۇمىستارى ءجۇرىپ جاتىر.
ەسكە سالا كەتسەك، ر ف ت ج م ورتالىق رەسەيدە اۋا رايىنىڭ كۇرت ناشارلايتىندىعى جونىندە ەسكەرتكەن بولاتىن.
ال ماسكەۋدە نوسەر جاڭبىر قۇيىپ تۇر. سونداي-اق جەل كۇشەيىپ، نايزاعاي جارقىلداۋدا. مۇنداي اۋا رايى 15- تامىزعا دەيىن جالعاسپاق.
