ەسىنەن تانىپ جاتقان ايەلدى توناپ كەتتى
استانا. قازاقپارات - ماسكەۋدىڭ شىعىسىنداعى سۋپەرماركەتتە ەس-ءتۇزسىز جاتقان 45 جاستاعى ءۇندىستاندىق ايەلدى ەر ادام توناپ كەتكەن.
بۇل تۋرالى «موسكۆا» قالالىق جاڭالىقتار اگەنتتىگى قۇقىق قورعاۋ ورگاندارىنداعى دەرەككوزگە سىلتەمە جاساپ حابارلايدى.
ايەل پوليتسياعا كەلىپ، سۋپەرماركەتتىڭ ساۋدا زالىندا تالىپ قالعاندىعىن، سول كەزدە بەلگىسىز بىرەۋ ازىق-تۇلىك سالاتىن سەبەتىندە جاتقان، ىشىندە 15,6 مىڭ ءرۋبلى بار ءاميانىن ۇرلاپ كەتكەندىگىن ايتقان.
پوليتسيا وسى ۇرلىققا بايلانىستى قىلمىستىق ءىس قوزعادى. «ىزدەۋ بارىسىندا پوليتسەيلەر نوۆوكوسينسكايا كوشەسىندە 47 جاستاعى قالا تۇرعىنىن ۇستادى»، - دەپ ءمالىم ەتتى دەرەككوز. ونىڭ سوزىنە قاراعاندا، كۇدىكتىدەن ەشقايدا كەتپەۋ تۋرالى قولحات الىنعان.
