اسەت اقىننىڭ قىتايدا الاش زيالىلارىمەن بىرگە تۇسكەن سۋرەتى تۇڭعىش رەت كورمەگە قويىلدى

كورمەگە بۇعان دەيىن جۇرتشىلىق نازارىنا ۇسىنىلماعان تىڭ دەرەكتەرگە تولى جادىگەرلەر قويىلدى، دەپ حابارلايدى Baq.kz اقپارات اگەنتتىگى اتالعان مۋزەيدىڭ باسپا ءسوز قىزمەتىنە سىلتەمە جاساپ.

اسەت نايمانباي ۇلىنىڭ ءومىرى مەن شىعارماشىلىعىنا ارنالعان اقىن جايلى كورمەگە ەستەلىكتەر مەن قولجازبالار، فوتوسۋرەتتەر قويىلدى. ونىڭ ىشىندە 1991 -جىلى اباي مۋزەيىنىڭ قورىنا تۇسكەن ابىلاي تۇگەلبايەۆتىڭ جازبالارى، اقىن مۇراسىن بىزگە جەتكىزگەن باسقا دا جيناۋشىلاردىڭ ەستەلىكتەرى جانە اسەت اقىننىڭ قانداي ادام بولعانى، مىنەزىنىڭ قىر- سىرىن باياندايتىن ماتەريالدار بار.

كورمە ەكسپوزيتسياسىندا ەرەكشە ورىن الاتىن جانە اقىن بەينەسىن كورسەتەتىن جادىگەردىڭ ءبىرى - اسەت اقىننىڭ 1918 -جىلى شاۋەشەك قالاسىندا تۇسكەن فوتوسۋرەتى. الاش زيالىلارىمەن تۇسكەن بۇل فوتوسۋرەتتە «ەلۋ جاس - ەكى جاستىڭ تاپ ورتاسى» دەگەن 51 جاستاعى اسەت اقىن زيالى قاۋىمنان جەكە، شەتتە وتىر. ورتادا ءمىرجاقىپ دۋلاتوۆ، احمەت بايتۇرسىنوۆ جانە رايىمجان مارسەكوۆ بار.

اسەت اقىن ۇلى اباي قۇنانباي ۇلىنىڭ تالانتتى دا دارىندى شاكىرتتەرىنىڭ ءبىرى. كورمەدە «اباي جانە اسەت» ، «اسەتتىڭ قيسسا- داستاندارى» ، «اسەت - ايتىس اقىنى» ، «اسەت ولەڭدەرى» ، «اسەت - ءانشى- سازگەر» ، «اقىن ۇرپاقتارى» سياقتى تاقىرىپتار دا قامتىلعان.