بەيجىڭ اۋەجايىندا نوسەر جاۋىن سالدارىنان مىڭنان استام رەيس توقتاتىلدى
استانا. قازاقپارات - بەيجىڭنىڭ باس اۋەجايى شوۋدۋدا نوسەر جاۋىن مەن نايزاعاي سالدارىنان 1,2 مىڭنان استام اۋە رەيستەرى توقتاتىلدى، دەپ حابارلايدى تاسس.
اۋەجايدىڭ ەلەكتروندى تاقتالارىندا كورسەتىلگەندەي، جەرگىلىكتى ۋاقىت بويىنشا 13:30-دا تاعى 481 رەيستىڭ ۋاقىتى كەيىنگە شەگەرىلدى. نايزاعاي مەن نوسەرلى جاۋىن بەيجىڭدە جۇما كۇنى كەشكە باستالعان. وتكەن ءتۇن ىشىندە قالادا ورتا ەسەپپەن 20 م م جاڭبىر جايدى. ەل استاناسىنىڭ جەكەلەگەن اۋداندارىندا بۇل كورسەتكىش 139 م م- گە جەتتى. مەتەورولوگتاردىڭ بولجاۋىنشا، قالاداعى جاۋىن- شاشىندى اۋا رايى كەم دەگەندە اپتا سوڭىنا دەيىن جالعاسادى.
