استانالىق «بارىس» «تراكتوردى» جەڭدى

استانا. قازاقپارات - استانانىڭ «بارىس» حوككەي كلۋبى ق ر پرەزيدەنتى كۋبوگىنىڭ ءتورتىنشى ماتچىندا چەليابىنىڭ «تراكتورىن» 3:2 ەسەبىمەن جەڭدى، دەپ حابارلايدى قازاقپارات Sports.kz سايتىنا سىلتەمە جاساپ.

بۇل كەزدەسۋدە استانالىقتاردىڭ قاقپاسىن سەرگەي كۋدرياۆسيەۆ قورعادى. ءبىرىنشى كەزەڭدە ەسەپتى الەكساندر شاروۆ اشتى، ەكىنشىسىندە استانالىق نايدجەل دوۋس ونى تەڭەستىردى. ويىننىڭ شەشۋشى كەزەڭىندە قوناقتار يۆان ۆيشنەۆسكيدىڭ ارقاسىندا العا شىقتى، كەيىن ليندەن ۆەي ەسەپتى تەڭەستىردى. وۆەرتايم ناتيجە اكەلمەدى، ال ايىپسوققىلار سەرياسىندا دوۋس قاقپانى «الا الدى».

ەندى 12 -تامىز كۇنى قازاقستاندىق كلۋب ومسكىنىڭ «اۆانگاردىمەن» كەزدەسەدى.

«بارىس» - «تراكتور» 3:2 ب (0:1, 1:0, 1:1, 0:0, 1:0)

شايبالار:

0:1 - 12:53 شاروۆ (مامايەۆ، پەتريكوۆ). تەڭدىكتە

1:1 - 27:03 دوۋس (داللمەن). تەڭدىكتە

1:2 - 41:18 ۆيشنيەۆسكيي (ياكۋسەنيا، كولسوۆ). ارتىقشىلىقتا

2:2 - 56:03 ۆەي. تەڭدىكتە

3:2 - 65:00 دوۋس. بۋلليت

قاقپاشىلار: كۋدرياۆتسەۆ - فرانسوۋز

ايىپ: 12:22 (0:0, 4:4, 8:18, 0:0).