سينوپتيكتەر دەمالىس كۇندەرىنە ارنالعان اۋا رايى بولجامىن جاريالادى

بيىكتىك بارومەترلىك ويپاتتار تايمىر اۋداندارىنان قازاقستانعا ىلعالدى جانە سالقىن اۋا الىپ كەلەدى، وسىنىڭ اسەرىنەن رەسپۋبليكانىڭ كوپتەگەن بولىكتەرىندە اۋا تەمپەراتۋراسى تومەندەيدى. سونداي-اق كەي جەرلەردە جاڭبىر جاۋىپ، كۇن كۇركىرەيدى، كەيبىر اۋدانداردا تۇمان ءتۇسىپ، بۇرشاق جاۋىپ، جەل كۇشەيەدى.

تەمپەراتۋرالىق فون سولتۇستىك، ورتالىق جانە شىعىس ايماقتاردا تۇندە 2-12 گرادۋسقا دەيىن تومەندەيدى، ال كۇندىز 15-25-تەن 20-30 گرادۋسقا دەيىن بىرتىندەپ جوعارىلايدى»، - دەلىنگەن حابارلامادا.

استانادا 11- تامىزدا اۋىسپالى بۇلت شىعادى، وتكىنشى جاۋىن جاۋىپ، كۇن كۇركىرەيدى، بۇرشاق جاۋىپ، داۋىل سوعۋى مۇمكىن. جەل سولتۇستىك-شىعىستان، سولتۇستىكتەن 9-14، ەكپىنى 15-20 م/س. تۇندە تەمپەراتۋرا +8+10°س، كۇندىز +13+15°س.

12- تامىزدا اۋىسپالى بۇلت شىعادى، تۇندە جاڭبىر جاۋادى، كۇن كۇركىرەيدى. جەل سولتۇستىك- باتىستان، باتىستان 9-14 م/س. تۇندە تەمپەراتۋرا +7+9°س، كۇندىز +16+18°س. 13- تامىزدا اۋىسپالى بۇلت شىعادى، جاۋىن-شاشىنسىز. جەل وڭتۇستىك- باتىستان، وڭتۇستىكتەن 9-14 م/س. تۇندە تەمپەراتۋرا +11+13°س، كۇندىز +20+22°س. الماتىدا 11- تامىزدا اۋىسپالى بۇلت شىعادى، كۇندىز وتكىنشى جاۋىن، كۇن كۇركىرەيدى. جەلدىڭ كۇشى 2-7, ەكپىنى 12 م/س. تۇندە تەمپەراتۋرا +19+21°س، كۇندىز +29+31°س. 12 تامىزدا اۋىسپالى بۇلت شىعادى، وتكىنشى جاۋىن جاۋىپ، كۇن كۇركىرەيدى.

جەلدىڭ كۇشى 2-7, ەكپىنى 12 م/س. تۇندە تەمپەراتۋرا +17+19°س، كۇندىز +21+23°س. 13 تامىزدا اۋىسپالى بۇلت شىعادى، جاۋىن- شاشىنسىز. جەل 0-5 م/س. تۇندە تەمپەراتۋرا +13+15°س، كۇندىز +26+28°س.