قازاقستاندا ءبىرىڭعاي انىقتاما ءنومىرى ەنگىزىلەدى

استانا. قازاقپارات - قازاقستاندا كەلەر جىلدان باستاپ ءبىرىڭعاي انىقتاما ءنومىرى ەنگىزىلەدى.

بۇل تۋرالى ق ر اقپارات جانە كوممۋنيكاتسيالار ءمينيسترى داۋرەن ابايەۆ ءمالىم ەتتى، دەپ حابارلايدى قازاقپارات.

«ەڭ باستىسى حالىققا تەلەفوننىڭ الدىندا وتىرىپ، باس پروكۋراتۋرانىڭ، ىشكى ىستەر ىستەر مينيسترلىگىنىڭ سەنىم تەلەفونى قانداي ەدى دەپ وتىرۋ قاجەت ەمەس قوي. ولارعا، ەلگە 1414 دەگەن ءبىر تەلەفون ءنومىرى عانا كەرەك. ءبىز قازىر سوعان بارلىق سەنىم تەلەفوندارىن جيناقتاپ جاتىرمىز. ماسەلەن، 1414 نومىرىنە قوڭىراۋ شالساڭىز، سول جەردە وتىرعان وپەراتور ءسىزدىڭ سۇراعىڭىزدى بىلگەننەن كەيىن باس پروكۋراتۋرا، ءى ءى م، دەنساۋلىق ساقتاۋ مينيسترلىگى، ءبىلىم مينيسترلىگى بولسىن سولاردىڭ coll-ورتالىعىنا بەرەدى. ادامداردىڭ ويىندا 1414 دەگەن ءبىر عانا ءنومىر بولۋى ءتيىس. ءبىز قازىر بۇل جۇمىستى جۇرگىزىپ جاتىرمىز. وسى جىلدىڭ سوڭىنا دەيىن ءبىر ناتيجەسى بولىپ قالار. كەلەسى جىلدان باستاپ ءبىر تەلەفون نومىرىنە كوشەمىز دەپ ويلايمىن. سەنىم بار»، - دەدى مينيستر بۇگىن «ازاماتتارعا ارنالعان ۇكىمەت» كورپوراتسياسىنىڭ جۇمىسىن ب ا ق وكىلدەرىنە تانىستىرۋعا ارنالعان شارادا.

اۆتور: مارلان جيەمباي