بالاباقشا جانىنان بىرنەشە مينا مەن وق-دارىلەر تابىلدى
استانا. قازاقپارات - حاباروۆسكىدە بالاباقشا جانىندا ورنالاسقان بومباپانادان وقۋ ماتەريالدارى مەن قارا ءتۇتىندى دارىلەر تابىلدى.
بۇل جايلى بەيسەنبى، 10- تامىز كۇنى رەسەي ۇلتتىق گۆاردياسىنىڭ شىعىس اسكەري وكرۋگى حابارلادى.
اتالعان بومباپانانى سارسەنبى كۇنى جاسوسپىرىمدەر تاۋىپ العان. ولار حاباروۆسك ايماعى بويىنشا رەسەي گۆاردياسى باسقارماسىنىڭ ە م م ج كەزەكشى بولىمىنە ول جەردەن ميناعا ۇقساس بىرنەشە زاتتار مەن تۇسىنىكسىز بوتەلكەلەر كورگەندىگىن حابارلاعان.
«بومبوپانانىڭ ءدال جانىندا بالاباقشا ورنالاسقان. تاڭەرتەڭ ەرتەمەن پوليتسيا قىزمەتكەرلەرى ونىڭ اۋماعىنا وتۋگە شەكتەۋ قويىپ، قورشاۋعا الدى»، - دەلىنگەن حابارلامادا.
ماماندار تابىلعان زاتتار - تانكىگە جانە جاياۋ اسكەرگە قارسى جاتتىعۋ مينالارىنىڭ بەس ءتۇرى، ال بىرنەشە بوتەلكەدەگى قارا ءتۇتىندى وق-دارىلەر دەگەن شەشىمگە كەلدى. قازىر پوليتسيا قىزمەتكەرلەرى وقۋ-جاتتىعۋ اتۋ جاراقتارىنىڭ ول جەرگە قايدان كەلگەندىگىن انىقتاۋ ۇستىندە.
