استانا پوليتسەيلەرى جاياۋ جۇرگىنشىلەردىڭ قاتىسۋىمەن بولاتىن جول اپاتىنىڭ جيىلەۋىنە الاڭداۋلى

بۇل تۋرالى بۇگىن استانا قالالىق ءى ءى د جەرگىلىكتى پوليتسيا قىزمەتىنىڭ باسشىسى باقىتجان مالىبايەۆ ءمالىم ەتتى، دەپ حابارلايدى قازاقپارات.

«وتكەن جىلمەن سالىستىرعاندا بىزدە قىلمىس، جول-كولىك وقيعالارى تومەندەپ كەلەدى. دەگەنمەن، جاياۋ جۇرگىنشىلەردىڭ قاتىسۋىمەن ورىن الاتىن جول-كولىك وقيعالارى الاڭداتىپ وتىر. ەگەر ءبىرىنشى جارتىجىلدىقتا كىسى ولىمىنە ۇشىراتقان 21 جول-كولىك وقيعاسى تىركەلسە، ونىڭ 14 ى جاياۋ جۇرگىنشىنىڭ قاتىسۋىمەن بولعان. سوندىقتان جاياۋ جۇرگىنشىلەردەن جولدى ارنايى بەلگىلەنگەن ورىننان كەسىپ ءوتۋدى وتىنەمىز. ونىڭ ۇستىندە جاڭا وقۋ جىلى دا جاقىنداپ قالدى»، - دەدى مالىبايەۆ.

سونىمەن قاتار ول قالا تۇرعىندارىن ەلوردانى قاۋىپسىز ءارى ءومىر سۇرۋگە قولايلى جاساۋ باعدارلاماسىن جۇزەگە اسىرۋ اياسىندا اۋلالار مەن ۇيلەردىڭ كىرەبەرىستەرىنە كامەرالار ورناتۋ شاراسىنا قاتىسۋعا شاقىردى.

«مۇنان بولەك، پاتەرلەرگە دابىل جۇيەسىن دە ورناتقان ءجون. قالادا 250 مىڭنان استام پاتەر بار. ولاردىڭ ىشىندە تەك 3,5 پىتەرگە عانا دابىل جۇيەسى ورناتىلعان. ەلوردا تۇرعىندارىنان بۇل جۇمىستاردى جانداندىرۋدى وتىنەمىن»، - دەدى جەرگىلىكتى پوليتسيا قىزمەتىنىڭ باستىعى.