ءسىزدىڭ اتىڭىزعا سىن ايتىلسا

ءسىزدىڭ تاراپقا ايتىلاتىن سىندار ارتىپ جاتسا، دەمەك، ءسىزدىڭ جاساپ جاتقان جۇمىسىڭىز ءوزىنىڭ باعاسىن الىپ جاتىر دەگەندى بىلدىرەدى. سىنعا بولا كەك تۇتپاڭىز ءسىزدىڭ كوڭىلىڭىزگە اۋىر تيسە دە، كەك ۇستاماڭىز. ەگەر ايتىلعان سىندى ادىلەتسىز دەپ قابىلداپ، ءوش الۋدىڭ جولىنا تۇسسەڭىز، كونفۋتسيدىڭ مىنا ءسوزىن ەسىڭىزگە الىڭىز:

«كەك الۋدىڭ جولىنا تۇسە باستاساڭ، ەكى كور قاز: ءبىرى -  وزىڭە». جۇرەگىڭىزگە جاقىن قابىلداماڭىز سىننان قورعانۋدىڭ وڭاي جولى وعان ءمان بەرمەۋ. ءبىر پسيحولوگ ءوزىنىڭ ومىرلىك تاجىريبەسى رەتىندە مىناداي شەشىم ۇسىنادى: ەگەر ءسىزدى بىرەۋ قاتتى وكپەلەتسە، ادام تولى كوشە قيىلىسىن ەلەستەتىڭىز. ءوتىپ جاتقان ادامداردىڭ ەشقايسىسى ءسىز تۋرالى ويلامايدى. سىن بولماسا ءومىرىڭىز قالاي بولاتىنىن ەلەستەتىپ كورىڭىز سىن تۇزەلمەي، ءمىن تۇزەلمەيدى. ەگەر بويىڭىزداعى قاتەلىكتەرمەن كۇرەسكىڭىز كەلسە، سىندى قابىلداي ءبىلۋىڭىز كەرەك. سىن جۇيكەڭىزگە كەرى اسەرىن تيگىزۋى مۇمكىن. ءبىراق، ونىڭ ارقاسىندا ءسىز ادام رەتىندە وسەسىز. سىندى ايتا ءبىلىڭىز جانە وزىڭىزگە سىني كوزقاراسپەن قاراي ءبىلىڭىز.