قانات يسلام مەن ءىزباسارى بىرگە جاتتىعىپ جاتىر
بوكسشىلاردىڭ جاتتىعۋدان كەيىنگى بىرگە تۇسكەن فوتولارى Kanat Islam team Facebook جەكە پاراقشاسىندا جاريالاندى.
ايتا كەتەيىك، قانات يسلام الداعى جەكپە-جەككە دايىندىق ءۇشىن الماتىدان استاناعا كەلگەن بولاتىن. سونداي-اق، بوكسشى نۇرسۇلتان جاڭابايەۆتى ءوزىنىڭ ءىزباسارى دەپ اتاعان ەدى.
نۇرسۇلتان جاڭابايەۆ كاسىپقوي بوكستاعى العاشقى جەكپە-جەگىن 2016 -جىلى قىتايدا باستادى. ال سوڭعى كەزدەسۋىندە WBA China اتاعىن جەڭىپ العان بولاتىن.
ەسكە سالا كەتەيىك، 9 -قىركۇيەكتە استاناداعى «سارى ارقا» ۆەلوترەگى عيماراتىندا قانات يسلام (24-،0، 19 ك و) كانادالىق برەندون كۋكپەن (18-0، 11 ك و) جۇدىرىقتاسادى. بوكسشىلار ءبىرىنشى ورتا سالماقتاعى IBF تيتۋلىنا ۇمىتكەرلىككە تالاسادى. وسى جەكپە-جەكتىڭ اندەركارتىندا 8 قازاقستاندىق بوكسشى ونەر كورسەتەدى. ولار - جانقوش تۇراروۆ (21-0، 15 ك و)، جانىبەك ءالىمحان ۇلى (1-0، 1 ك و)، مەيىرىم نۇرسۇلتانوۆ (3-0، 2 ك و)، رۋسلان مىرساتايەۆ (3-0, 3 ك و)، ءالي احمەدوۆ (7-0، 5 ك و)، ايدوس ەربوسىن ۇلى (6-0, 6 ك و)، ديماش نيازوۆ (11-0-3، 5 ك و) جانە نۇرسۇلتان جاڭابايەۆ (2-0، 1 ك و).
