سىيلىق الۋ ءۇشىن ورمان ورتەپ جۇرگەن ءورت سوندىرۋشىلەر تۇتقىندالدى
استانا. قازاقپارات - يتاليا پوليتسياسى 15 ەرىكتى ءورت سوندىرۋشىلەردى تۇتقىندادى.
ولار قوسىمشا تابىس تابۋ ءۇشىن سيتسيليادا قاساقانا ءورت شىعارىپ جۇرگەن، دەپ حابارلايدى بەلتا.
تەرگەۋ جۇمىستارىنان سوڭ 2015 -جىلى ءبىر توپ ءورت سوندىرۋشىلەردىڭ سانتا-كروچە- كامەرينا ايماعىندا ءورتتى قاساقانا ۇيىمداستىرىپ جۇرگەندىگىن انىقتادى. بۇدان سوڭ ولار وقيعا ورنىنا جۇمىسقا شىعاتىن بولعان. ولار ءورت ءسوندىرۋ جۇمىستارىنىڭ 1 ساعاتى ءۇشىن 10 ەۆرو الىپ كەلگەن.
ءورت سوندىرۋشىلەردىڭ ارام پيعىلدارى باسشىلىقتىڭ وزگە بولىمشەلەرمەن سالىستىرعاندا ءورت وقيعالارىنىڭ شەكتەن تىس كوپ بولاتىندىعىنا نازار اۋدارىپ، ءىستىڭ ءمان- جايىن انىقتاي باستاعاندا بەلگىلى بولعان. ازىرگە ءورت سوندىرۋشىلەرگە قانداي جازا قولدانىلاتىنى بەلگىسىز، الايدا ولار قاماۋعا الىنىپ، سوت شەشىمىن كۇتىپ وتىر.
