ساۋد ارابياسىنىڭ تاق مۇراگەرىنە قاستاندىق جاسالدى
استانا. قازاقپارات - ساۋد ارابياسىنىڭ تاق مۇراگەرى مۋحاممەد بەن سالمانعا قاستاندىق جاسالدى، دەپ حابارلايدى korrespondent.net.
FARS اگەنتتىنىڭ مالىمەتتەرىنە قاراعاندا، حانزادا زارداپ شەكپەگەن، قاستاندىقتى ۇيىمداستىرۋشىلار قاماۋعا الىندى.
سوڭعى كەزدەرى ساۋد اراۆياسىندا كورول سالمانا بەن ابدۋلازيز ال-ساۋدانىڭ بيلىكتەن كەتەتىندىگى بولجاننان كەيىن، بيلىكتە تارتىس كۇشەيىپ كەتكەن. باسىلىم ەر-ريادەگى اتى اتالماعان باتىس ديپلوماتىنىڭ سوزىنە سىلتەمە جاساي وتىرىپ، تاق مۇراگەرىنە قاستاندىقتى ساۋد حانزادالارىنىڭ ءبىرى جاساعاندىعىن ايتادى.
ايتا كەتەيىك، ساۋد ارابياسىنىڭ كورولى سالمان وسى جىلى تاق مۇراگەرىن اۋىستىرىپ، مۋحاممەد بەن نايفتىڭ ورنىنا 31 جاستاعى ءوزىنىڭ ۇلى مۋحاممەد بەن سالماندى تاعايىنداعان بولاتىن.
