بەرليندە فاشيستەرشە قولىن كوتەرگەن قىتايلىقتار ۇستالدى
استانا. قازاقپارات - بەرلين پوليتسياسى تاريحي عيمارات رەيحستاگ الدىندا فاشيستەر سياقتى امانداسىپ، سۋرەتكە تۇسكەن ەكى قىتايلىقتى ۇستادى، دەپ حابارلايدى تاسس.
36 جانە 49 جاستاعى ەكى ساياحاتشى بەلگىلى تاريحي عيمارات الىندا قولىن كوتەرىپ سۋرەتكە تۇسكەن. ولاردى عيمارات قىزمەتكەرلەرى بايقاپ قالىپ، پوليتسياعا حابار بەرگەن. تۋريستەر «كونستيتۋتسيالىق ەمەس ۇيىمداردىڭ بەلگىلەرىن پايدالانعانى» ءۇشىن ايىپتى دەپ تانىلدى. الايدا قىتايلىقتار جەكە-جەكە €500-ايىپپۇل تولەگەننەن كەيىن بوستاندىققا جىبەرىلدى.
ايتا كەتەيىك، گەرمانيا قىلمىستىق كودەكىسىنىڭ «فەدەراتيۆتىك رەسپۋبليكا اۋماعىندا كونستيتۋتسيالىق ەمەس ۇيىمداردىڭ سيمۆوليكالارىنا تىيىم سالۋ تۋرالى» 86A- تارماعىنا سايكەس ۇلتشىل- سوتسياليستىك رەجيم ارەكەتتەرىن ناسيحاتتاۋعا رۇقسات ەتىلمەيدى. وسى زاڭ تالاپتارىن بۇزعاندار 3 جىلعا دەيىن باس بوستاندىعىنان ايىرىلادى.
