مىرزاباي اۋليە مازارىنان كونە قۇران كىتابى تابىلدى - قىزىلوردا وبلىسى

19-عاسىرعا تيەسىلى قۇندى جادىگەر جالاعاش اۋدانىنداعى مىرزاباي احۋن مازارىنىڭ ماڭىن قازعان كەزدە شىققان، دەپ حابارلايدى حابار 24.

ءوز زامانىنىڭ اۋليە، ەمشىسى بولعان احۋن مىرزاباي ازامات ۇلى 1833-جىلى سىر وڭىرىندە ومىرگە كەلگەن. كونە كىتاپتى بابا قورىمىن قايتا جوندەمەك بولعان ۇرپاقتارى تاۋىپ الدى.

سول ۋاقىتتا قازاق جەرىندە ازاتتىقتىڭ تاڭى اتاتىنىن ايتىپ كەتكەن اۋليە قاسيەتتى قۇران كىتابىن الاساپىران زاماندا ءوزى كومگەنگە ۇقسايدى. مۇقابالارى ءشىرىپ، پاراقتارى جىرتىلعانىمەن، جازۋلارى انىق ساقتالىپتى.

«مەشىتتىڭ ىشىنە جوندەۋ جۇمىستارىن جاسايىن دەپ، بۇرىشتى قازىپ جاتقانىمدا، بالامىز ەكەۋمىز تىزە بويى قازعان كەزىمىزدە وسى قۇران كىتاپتارىنىڭ شىققانىنا كوزىم جەتتى دە بالامىز ەكەۋمىز قازا باستادىق. سودان 2 جارىم قاپتاي قۇران كىتاپ شىقتى. مىناۋ سونىڭ ىشىنەن شىققان قۇران كىتاپتار، جازۋلارى بار، توپىراققا اينالىپ كەتكەنى بار. 1 جارىم عاسىر بولىپ تۇر عوي ەندى وسى جەر استىندا جاتقانىنا. نە جونىندە جازعان وسىنى، عۇلامالار انىقتاپ بەرسە دەيمىن»، - دەيدى مىرزاباي احۋننىڭ شوبەرەسى وراز سالقاش ۇلى.