سەنبىدە ەلىمىزدە اۋا رايى قۇبىلمالى بولادى

رەسپۋبليكانىڭ سولتۇستىك-باتىسىندا، سولتۇستىگىندە تۇندە جانە تاڭەرتەڭ تۇمان بولىپ، وڭتۇستىكتە شاڭدى داۋىل كۇتىلەدى. ەلىمىزدىڭ باتىسىندا، وڭتۇستىك-باتىسىندا جانە وڭتۇستىگىندە جاۋىن-شاشىنسىز اۋا رايى ساقتالادى.

سولتۇستىك قازاقستان، پاۆلودار، شىعىس قازاقستان وبلىستارىنىڭ كەي جەرلەرىندە جەل ەكپىنى 25 م/س كۇشەيۋى كۇتىلەدى، بۇرشاق، داۋىل بولۋى مۇمكىن.

سولتۇستىك قازاقستان وبلىسىندا تۇندە جانە تاڭەرتەڭ تۇمان كۇتىلەدى. اقمولا، قوستاناي، قاراعاندى، الماتى، جامبىل وبلىستارىنىڭ كەي جەرلەرىندە جەل 15-20 م/س كۇشەيىپ، بۇرشاق، داۋىل بولجانادى.

تۇندە قوستاناي وبلىسىندا تۇمان بولادى. تۇندە وڭتۇستىك قازاقستان وبلىسىندا، كۇندىز باتىس قازاقستان، اقتوبە،  قىزىلوردا وبلىستارىنىڭ كەي جەرلەرىندە جەل 15-20 م/س جەل سوعادى.  قىزىلوردا وبلىسىندا شاڭدى داۋىل كۇتىلەدى.

كۇندىز اتىراۋ، باتىس قازاقستان، ماڭعىستاۋ، وبلىستارىندا قاتتى ىستىق كۇتىلەدى، كەي جەرلەرىندە وتە قاتتى بولادى. كۇندىز اقتوبە وبلىسىندا، الماتى،  قىزىلوردا، قاراعاندى، شىعىس قازاقستان وبلىستارىنىڭ كەي جەرلەرىندە قاتتى ىستىق اۋا رايى كۇتىلەدى.

الماتى وبلىسىندا، اتىراۋ، باتىس قازاقستان، اقتوبە،  قىزىلوردا، قاراعاندى، شىعىس قازاقستان، وڭتۇستىك قازاقستان، جامبىل وبلىستارىندا وتە جوعارى ءورت قاۋپى كۇتىلەدى.