قىتاي ا ق ش- تىڭ رەسەيگە قارسى سانكسيالارىنا قاتىستى ۇستانىمىن ءبىلدىردى
استانا. قازاقپارات - قىتاي حالىق رەسپۋبليكاسى سىرتقى ىستەر مينيسترلىگىنىڭ رەسمي وكىلى لۋ كاڭ ا ق ش- تىڭ رەسەي، يران جانە سولتۇستىك كورەياعا قارسى جاڭا سانكسيا ەنگىزۋىنە قاتىستى ق ح ر ۇستانىمىن جاريا ەتتى، دەپ حابارلايدى قازاقپارات.
«رەسەي، گەرمانيا، فرانسيا سەكىلدى مەملەكەتتەر سانكسيالار تۋرالى ءوز كوزقاراستارىن ءبىلدىردى. قىتاي ۇكىمەتى ەجەلدەن ەكى ەل اراسىنداعى داۋلاردى كەلىسىم ارقىلى شەشۋدى قولدايدى، ءبىر جاقتى سانكسيا جاريالاۋ ارەكەتتەرىن قۇپتامايمىز»، - دەدى لۋ كاڭ.
ەسكە سالا كەتسەك، ا ق ش پرەزيدەنتى دونالد ترامپتىڭ رەسەيگە قارسى سانكسيا ەنگىزۋ تۋرالى زاڭعا قول قويعان بولاتىن.
ا ق ش كونگرەسىنىڭ وكىلدەر پالاتاسى وتكەن اپتادا قابىلداعان زاڭ جوباسىندا امەريكالىق كومپانيالار مەن جەكە تۇلعالارعا سانكتسياعا ىلىككەن رەسەيلىك بانكتەرمەن مامىلە جاساۋعا تىيىم سالىنادى. سونىمەن قاتار رەسەيلىك ەنەرگەتيكالىق سەكتورعا دا جاڭا شەكتەۋلەر ەنگىزىلەدى.
