ءدىن ىستەرى ءمينيسترى قازاقستاندا حيدجاب كيۋگە تىيىم سالۋ تۋرالى پىكىر ءبىلدىردى
ونىڭ ايتۋىنشا، ءدىن ىستەرى جانە ازاماتتىق قوعام مينيسترلىگى كەيبىر زاڭنامالىق اكتىلەرگە ءبىرقاتار تۇزەتۋ ەنگىزۋدى قاراستىرىپ جاتىر.
«باستاما ازاماتتىق قوعامنان شىعىپ وتىر. ونىڭ ىشىندە قوعامدىق ورىنداردا بەتتى تۇمشالايتىن جانە كىم ەكەنىن انىقتاۋعا كەدەرگى كەلتىرەتىن كيىمگە تىيىم سالۋ تۋرالى ۇسىنىس بار. بۇل بۇگىندە كەڭ ەتەك جايعان حالىقارالىق تاجىريبە. ول قوعامدىق قاۋىپسىزدىكتى، ەتيكانى، ۇلتتىق مادەني داستۇرلەردى ساقتاۋعا نەگىزدەلگەن»، - دەدى نۇرلان ەرمەكبايەۆ.
بۇل نورماعا ەنگىزىلگەلى وتىرعان تۇزەتۋلەر قوعاممەن جانە ساراپشىلارمەن تالقىلانۋدا.
مينيستر مەكتەپتەردە حيدجاب كيۋگە قاتىستى ماسەلە ءبىلىم جانە عىلىم مينيسترلىگىنىڭ قۇزىرەتىندەگى شارۋا ەكەنىن اتاپ ءوتتى.
«ءبىلىم جانە عىلىم مينيسترلىگىنىڭ كيىم ۇلگىسىن ساقتاۋعا قاتىستى بۇيرىعى بار. ول ادىلەت مينيسترلىگىندە تىركەلگەن تولىققاندى زاڭنامالىق اكت. زاڭدى كۇشى بار، سوندىقتان مەكتەپتەردە، كەيبىر وزگە دە ءبىلىم وشاقتارىندا شاريعات تالاپتارى، ءار ءتۇرلى ءدىني نانىمدار مەن كونفەسسيا تالاپتارى ەمەس، زايىرلى زاڭدار، نورماتيۆتىك-قۇقىقتىق اكتىلەر جۇمىس ىستەيدى»، - دەدى نۇرلان ەرمەكبايەۆ.
