ايگىلى بوكسشى سپورتتان كەتەتىندىگىن مالىمدەدى

استانا. قازاقپارات - اۋىر سالماقتاعى بۇرىنعى الەم چەمپيونى، ۋكرايندىق بوكسشى ۆلاديمير كليچكو سپورتتاعى مانسابىن اياقتاۋ شەشىمىن قابىلدادى.

مۇنى ول جەكە YouTube ارناسىندا حابارلادى.

41 جاستاعى سپورتشى وسى جىلعى 11- قاراشاعا جوسپارلانعان بريتاندىق ەنتوني دجوۋشپەن قارىمتا ايقاس وتكىزۋدەن باس تارتتى. جەكپە-جەك لاس- ۆەگاستا T- Mobile ارەناسىندا وتەتىن بولعان.

30- ساۋىردە لوندوندا وتكەن سپورتشىلار اراسىنداعى ءبىرىنشى جەكپە-جەك 11 راۋندتا تەحنيكالىق نوكاۋتپەن دشوۋشتىڭ جەڭىسىمەن اياقتالعان. كاسىبي مانسابىندا كليچكو 64 رەت جەڭىسكە جەتتى (53 نوكاۋت)، بەس رەت جەڭىلگەن.