الماتىدا كولىك ۇستىنە اعاش قۇلاپ كەتتى
الماتى. قازاقپارات - الماتىدا قيراعان اعاش جول بويىندا تۇرعان كولىكتى زاقىمدادى، دەپ حابارلايدى قازاقپارات ءتىلشىسى.
وقىس وقيعا شاگابۋتدينوۆ كوشەسىنىڭ بويىندا جامبىل كوشەسىنەن ءسال تومەن بولعان.
قالالىق قۇتقارۋ قىزمەتىنىڭ حابارلاۋىنشا، قوڭىراۋ تاڭعى 9:49 دا تۇسكەن.
«اعاش مورت سىنىپ، كولىك ۇستىنە قۇلاعان. سونداي-اق، اعاشتىڭ بۇتاقتارى جولدى جاۋىپ قالدى. وقيعادان جاپا شەككەندەر جوق. كولىكتە ەشكىم بولماعان»، - دەدى قۇتقارۋ قىزمەتىنەن.
وقيعا ورنىنا جەدەل جەتكەن قۇتقارۋشىلار اعاش ءدىڭىن كولىكتىڭ ۇستىنەن جولدان الىپ تاستادى.
