گۇلنارا كاريموۆانىڭ ۇلى وزبەكستان بيلىگىنىڭ ايىپتاۋلارىنا جاۋاپ بەردى
استانا. قازاقپارات - وزبەكستاننىڭ بۇرىنعى پرەزيدەنتىنىڭ ۇلكەن قىزىنىڭ ۇلى - يسلام ب ا ق بەتتەرىندە اناسىنىڭ قاماۋعا الىنعانى تۋرالى مالىمەتتەر تاراي باستاعاننان كەيىن ۇندەۋ جاريالادى.
ريا نوۆوستي BBC News ارناسىنا سىلتەمە جاساپ، كىشى يسلام كاريموۆ اناسىنا تاعىلعان ايىپتاردىڭ اسىرا سىلتەنگەنىن، ياعني كەلتىرىلگەن زالالدى كوبەيتىپ ايتىپ جاتقانىن مالىمدەدى. ونىڭ ايتۋىنشا، كاريموۆانىڭ تۋىستارى وزبەكستان شەنەۋنىكتەرىنىڭ احۋالى جايلى ۇلكەن قۇجاتتى جاريالاۋعا دايىندالىپ جاتىر.
«ولاردىڭ كوبىسىنىڭ جاعدايى الدە قايدا كوپ بولعان: ولاردا 2 ميلليارد ەمەس، 34 ميللياردتان بار. ءبىراق بۇل تۋرالى ەشكىم ايتپايدى»، - دەدى كىشى كاريموۆ سۇحباتىندا.
سونىمەن قاتار، ول اناسىنىڭ قارجى جاعدايىن جاقسى بىلەدى جانە بۇل اسىرا سىلتەنگەن سوما، ناقتى دەرەكتەر جوق... ول سوما بىرنەشە مارتە كوبەيتىلگەن. «قولدارىنان كەلگەن بارلىق جالانى، بارلىق جىمقىرىلعان قاراجاتتى، بارلىق مينسترلىكتەن مەنىڭ اناما جاۋىپ وتىر: ونى قاماپ وزدەرى سۇتتەن اق بولىپ شىعىپ، جۇمىسىن ءارى قاراي ىستەي بەرمەكشى»، - دەدى ول.
