ەكسپو كۋبوگىنا بيلەت العاندار ستاديوندا ورىندى ءوزى تاڭدايدى
«وسى جازدىڭ ەڭ باستى سپورتتىق شارالارىنىڭ ءبىرى سانالاتىن تۋرنيرگە بيلەتتى «ەكسپو-2017» حالىقارالىق كورمەسىنىڭ كاسساسى نەمەسە رەسمي سايتى ارقىلى ساتىپ الۋعا بولادى.
ەكى جاسقا دەيىنگى بالالار ءۇشىن كىرۋ تەگىن. Тickets.expo2017astana.com سايتى ارقىلى ونلاين بيلەتتى ساتىپ الۋ ءۇشىن «مادەني باعدارلاما» تارماعىنا، ال ونىڭ ىشىندە ستاديوننىڭ ۋاقىتى مەن سەكتورىنا كىرۋ كەرەك»، - دەلىنگەن اقپاراتتىق حابارلامادا.
ۇيىمداستىرۋشىلار سونىمەن بىرگە، بيلەتى بار ادامدارعا ورىن تاڭداۋ ەركىندىگى بەرىلەتىندىگىن حابارلايدى.
سوندىقتان، ەڭ جايلى ورىنداردى تاڭداپ الۋ ءۇشىن ەرتەرەك كەلۋگە تۋرا كەلەدى. ەسكە سالا كەتسەك، ەكسپو-2017 كورمەسى اياسىندا 5- تامىز كۇنى ەلوردانىڭ «استانا ارەنا» ستاديونىندا «EXPO 2017 Football Cup» حالىقارالىق فۋتبول ءتۋرنيرى باستالادى.
ەلوردالىق ستاديوندا قازاقستان، رەسەي، يتاليا، گەرمانيا، پورتۋگاليا قۇراما كوماندالارى مەن الەم قۇراماسى وينايدى.
تۋرنيردە دينو بادجو، ماركو دەلۆەككيو، نۋنۋ مانيشە، جان-پەر پاپەن، رومان شيروكوۆ، ۆالەري كارپين، الەكساندر فيليمونوۆ سىندى الەمدىك فۋتبولدىڭ ارداگەر جۇلدىزدارى ونەر كورسەتەدى.
اۆتور: ايان بەكەن ۇلى
