استانادا سوت زالىندا ادام ءومىرىن ساقتاپ قالعان پروكۋرور ماراپاتتالدى - فوتو
استانا. قازاقپارات - ەلوردا پروكۋرورى بولات دەمبايەۆ ينتەرنەتتى پايدالانۋشىلاردىڭ كوپتەگەن كوممەنتاريلەرىنەن سوڭ الماتى اۋدانى پروكۋراتۋراسىنىڭ قىزمەتكەرى نۇرلان حابدۋلوۆتى ماراپاتتادى، دەپ حابارلايدى قازاقپارات ەلوردا سوتىنىڭ باسپا ءسوز قىزمەتىنە سىلتەمە جاساپ.
28 -ماۋسىم كۇنى الماتى اۋداندىق №2 -سوتىندا زارداپ شەككەن مۇحتار سۇلتانوۆتىڭ جەر تەلىمدەرىنە بايلانىستى الاياقتىق ارەكەت بويىنشا ءوتىپ جاتقان سوت پروتسەسى بارىسىندا جۇيكەسى جۇقارعان م. سۇلتانوۆتىڭ اۋرۋى قوزىپ كەتەدى.
وسى ساتتە پروكۋرور نۇرلان حابدۋلوۆ قىراعىلىق تانىتىپ، ناۋقاس جانعا العاشقى كومەك كورسەتىپ ۇلگەرەدى. حابدۋلوۆ العاشقى مەديتسينالىق كومەك كورسەتۋ تاسىلدەرىن اسكەري بورىشىن وتەپ جۇرگەن كەزدە ۇيرەنگەن بولىپ شىقتى. قازىرگى تاڭدا مۇحتار سۇلتانوۆ امبۋلاتوريالىق ەمدەۋدە جاتىر.
اۋدارما: ايدار وسپاناليەۆ
