ۇستالعان كۇدىكتى پوليتسيا ءيتىنىڭ قۇلاعىن تىستەپ الدى
استانا. قازاقپارات - ۇلى بريتانيادا ۇستالعان كۇدىكتى پوليتسيا ءيتىنىڭ باسى مەن قۇلاق تۇسىنا جارماسىپ، تىستەپ الدى.
The Mirror مالىمەتىنشە، كۇدىكتى ازامات پوليتسيا قىزمەتكەرلەرىنە قارسىلىق تانىتىپ، سوڭىندا تەو ەسىمدى وۆچاركانى باس سالىپ، جانۋاردى تەپكىلەي باستاعان.
ۆيدەوجازبادا كورسەتىلگەندەي، پوليتسيا قىزمەتكەرلەرى ءبىراز ۋاقىت بويى ىزاعا بۋلىققان كۇدىكتىنى يتتەن اجىراتۋعا ارەكەتتەندى. وسى ۋاقىتتا ەكىنشى ۇستالعان ازامات قاسكۇنەمگە ءيتتىڭ قۇلاعىنان تىستەۋگە شاقىرعان. ەكىجاقتى تارتىس جەتى مينۋتتاي ۋاقىتقا سوزىلدى. ۇستالعان جىگىت تاراپىنان جاسالعان قاتىگەزدىككە قاراماستان، يتكە مال دارىگەرىنىڭ كومەگى قاجەت بولعان جوق. تەو ءبىراز جاراقات الدى، ول ءتورت كۇن بويى ورنىنان تۇرا الماي جاتتى، - دەيدى پوليتسەيلەر.
