قىتاي باسقىنشىلىق پەن ەكسپانسياعا ۇمتىلمايدى - شي جينپيڭ
استانا. قازاقپارات - شي جينپيڭ قىتايدىڭ باسقىنشىلىق پەن ەكسپانسياعا تالپىنبايتىندىعىن ءمالىم ەتتى، دەپ حابارلايدى شينحۋا. ول بۇل تۋرالى قىتاي حالىق ازاتتىق ارمياسى قۇرىلۋىنا 90 جىل تولۋىنا وراي وتكەن سالتاناتتى جيىندا ايتتى.
«قىتاي حالقى بەيبىتشىلىكتى قالايدى. ءبىز باسقىنشىلىق پەن ەكسپانسياعا جول بەرمەيمىز، الايدا كەز- كەلگەن باسىپ الۋشىنى جەڭەتىنىمىزگە سەنىمدىمىز»، - دەدى شي جينپيڭ.
قىتاي حالقى ەشقاشان، ەشبىر حالىقتىڭ، ۇيىم نەمەسە ساياسي پارتيانىڭ قىتاي تەرريتورياسىنىڭ قانداي دا ءبىر بولىگىن ءبولىپ الۋىنا جول بەرمەيدى دەپ اتاپ ءوتتى مەملەكەت باسشىسى. ونىڭ ايتۋىنشا، قىتاي حالقى ەلدىڭ قارۋلى كۇشتەرى اياسىنداعى قىتاي كوممۋنيستىك پارتياسى باسشىلىعىنىڭ وزگەرمەيتىن ۇستانىمدارىن بۇلجىتپاي ورىنداپ، ۇلتتىق ارميانىڭ پارتيا ىزىمەن ءجۇرۋىن قامتاماسىز ەتۋى ءتيىس.
