پاك ەمەس قىزدى الىپ، باسى داۋعا قالعان جىگىت سوت الدىنا كەلدى

ونىڭ 18 جاستاعى جارى رادجاببي حۋرشەد تويدان كەيىن وزىنە قول جۇمساپ، ومىردەن وزدى دەپ حابارلايدى ورتالىق ازيانىڭ جاڭالىقتار قىزمەتى.

وسىعان دەيىن ۆوسەي اۋداندىق سوتىنىڭ پروكۋراتۋراسى زافار پيروۆتىڭ ءىسىن سوتقا جىبەرگەنىن مالىمدەگەن. وعان ايەلىن وزىنە قول جۇمساۋعا دەيىن جەتكىزدى دەگەن ايىپ تاققان. بۇل باپ بويىنشا بەس جىلدان سەگىز جىلعا دەيىن باس بوستاندىعىنان ايىرىلۋى مۇمكىن.

زافار پيروۆ جەتىنشى شىلدەدە ءوزىنىڭ ايىبىن مويىندايتىنىن، ادىلەتتى سوت شەشىمىن كۇتەتىنىن مالىمدەگەن.

«پروكۋراتۋرا مەنىڭ تەك شىندىقتى ايتۋىمدى تالاپ ەتتى. مەن ولارعا ايەلىمنىڭ ەكىنشى رەت ۇيلەنۋىمە رۇقسات بەرگەنىن ايتتىم. ول جازىپ كەتكەن قولحاتىندا تويعا دەيىن پاكتىگى بولماعانىن مويىنداعان. مەن وعان اتا-اناڭنىڭ ۇيىنە قايتارامىن دەگەندە، سىركە قىشقىلىن ءىشىپ، اۋرۋحانادا كوز جۇمدى»، - دەيدى ول.

ول ايەلى قايتىس بولعاننان كەيىن، ءوزىن كىنالى سەزىنەتىنىن مويىندادى.

«مەن ونىڭ ءولىمىن قالامادىم. ءبىراق مەن تويعا جۇمساعان 13 مىڭ سومونيدى ونىڭ اتا-اناسى قايتارىپ بەرگەنىن قالاپ ەدىم»، - دەيدى.