باتىس قازاقستاندا ورتتەن ەكى جۇزگە جۋىق قوي-ەشكى تىرىدەي جانىپ كەتتى

ورال. قازاقپارات - كەشە قازتالوۆ اۋدانى تالدىپان اۋىلىنان 17 شاقىرىمداي قاشىقتىقتا بولعان دالا ورتىنەن 100 ەشكى، 90 نان استام قوي تىرىدەي جانىپ كەتتى، دەپ حابارلايدى «قازاقپارات» ءتىلشىسى.

ب ق و ت ج دەپارتامەنتىنىڭ باسپا ءسوز حاتشىسى نۇرگۇل مۇقانوۆانىڭ ايتۋىنشا، ساعات 21.00-دە سوندىرىلگەن ءورتتى اۋىزدىقتاۋعا 38 ادام، 8 تەحنيكا جۇمىلدىرىلعان. ابىروي بولعاندا، ادامدار امان.

ەسكە سالا كەتەيىك، كەشە سونداي-اق اقجايىق اۋدانى بازارشولان جانە بازارتوبە اۋىلدىق وكرۋگتەرىندە ءورت تىركەلىپ، شابىندىق جانە جايىلىمدىق جەرلەر وتقا ورانعان بولاتىن.

اۆتور: ەلجان ەرالى