سيرياداعى اتىستا رەسەيلىك ءتىلشى مەرت بولدى
استانا. قازاقپارات - حومس پروۆينتسياسىنداعى اتىس كەزىندە Russia Today تەلەارناسىنىڭ ءتىلشىسى مەرت بولدى، دەپ حابارلايدى ت ا س س.
تەلەارنانىڭ سيرياداعى ءتىلشىسى حالەد ال-حاتىب ەل ارمياسىنىڭ تەرروريستەرگە قارسى جۇرگىزگەن وپەراتسياسى تۋرالى حابار بەرىپ تۇرعان كەزدە قاتتى جاراقات الىپ، مەرت بولدى.
سونداي-اق شابۋىلدان وپەراتور مۋۋتاز ياكۋبتا زارداپ شەكتى. ول ەمحاناعا جاتقىزىلدى.
Russia Today تەلەارناسىنىڭ باس رەدەكتورى مارگاريتا سيمونيان مەرت بولعان ءتىلشىنىڭ وتباسىنا كومەك كورسەتىلەتىندىگىن حابارلادى.
«سيريادا RT سترينگەرىنىڭ مەرت بولۋى ءبىز ءۇشىن اسا اۋىر جاعداي. مۇنداي قازا RT تاريحىندا العاش رەت كەزدەسىپ وتىر. ءبىز حالەدتىڭ وتباسىنا، تۋىس-تۋعاندارىنا كومەگىمىزدى ايامايمىز»، - دەدى سيمونيان.
