ديماشتىڭ ءانى رەپرەسسيالانعان افريكالىق ايەلدى قاتتى تولقىتتى - كەسكىن
ۆيدەودا بەلگىسىز ايەل ەرتەرەكتە ورىن العان وقيعانى باياندايدى. ايەلدىڭ كوزىنشە ەلدىڭ ارنايى قىزمەت جاساقتارى ەكى جىگىتتى مۋلات بولعانى ءۇشىن اتىپ ولتىرەدى.
بۇل وقيعا ايەلدىڭ جۇرەگىنە جارا سالىپ، ول 28 جىل اتالعان وقيعانى ەسىنەن شىعارا الماي جۇرەدى. ول ديماش قۇدايبەرگەننىڭ ءانىن كەزدەيسوق ەستىپ قالىپ، كوز جاسىنا ەرىك بەرەدى.
«مەن ءوزىم تۇراتىن ارالدا كەلە جاتىپ، ماشينادا ديماشتىڭ ورىنداۋىنداعى «ۋاقىت تەڭىز» ءانىن ەستىدىم. ءاندى تىڭداعاننان كەيىن مەن 28 جىلدا العاش رەت ءوزىمدى توقتاتا الماي، كوز جاسىما ەرىك بەردىم»، - دەپ ايتادى ايەل.
«اۆتوردىڭ (تۇسىنىگىمشە ول اپارتەيد - ناسىلگە ءبولىنۋ جانە سەگرەگاتسيا كەزەڭىندە وڭتۇستىك افريكا رەسپۋبليكاسىندا تۇرعان) رۇقساتىمەن مەن ديماشتىڭ دەرتكە ءدارۋ داۋىسى جايلى اڭگىمەلەگىم كەلىپ وتىر.
ول ءوزىن دجەي دەپ اتاۋدى جانە اياۋشىلىق سەزىممەن قاراماۋدى سۇرادى. ديماشتىڭ داۋىسىنىڭ اقىلعا سىيمايتىن سيقىرلى كۇشى جايلى اتاپ كورسەتۋىمدى قالادى. ول ديماشپەن كەزدەسكىسى كەلەدى ەكەن»، - دەپ تۇسىنىكتەمە بەرىلدى فان-كلۋبتا.
