الاكولگە اپاراتىن اۆتوجول جوندەۋدەن وتەدى
بۇل ءوز كەزەگىندە الاكول كولى جاعالاۋىندا ءتۋريزمدى دامىتۋعا ۇلكەن سەپتىگىن تيگىزبەك، - دەپ حابارلايدى الماتى وبلىسى اكىمىنىڭ باسپا ءسوز قىزمەتى.
ۇلتتىق ەكونوميكا مينيسترلىگىنىڭ مالىمەتى بويىنشا، «نۇرلى جول» باعدارلاماسىنىڭ اياسىندا اۆتوكولىك سالاسىن دامىتۋ باعىتىندا 17 جوبا جۇزەگە اسىرىلۋدا. سونىڭ ىشىنە 312 شاقىرىمدىق «تالدىقورعان - وسكەمەن» جانە ۇزىندىعى 184 شاقىرىم بولاتىن «ءۇشارال- دوستىق» اۆتوجولدارى دا ەنگىزىلىپ وتىر.
قازىرگى كەزدە اتالمىش اۆتوموبيل جولدارىن جوندەۋدىڭ جوبالىق- سمەتالىق قۇجاتتارى دايىندالىپ، زەرتتەۋ جۇمىستارى جۇرگىزىلۋدە. الاكول ءتۋريزمى ءۇشىن ينفراقۇرىلىمدى دامىتۋ اسا ماڭىزدى. بۇل ءىستى ەلباسىنىڭ تاپسىرماسىنا سايكەس وبلىس اكىمى اماندىق باتالوۆ ەرەكشە نازارعا الىپ كەلەدى.
ماسەلەن، بۇعان دەيىن 2015 -جىلدان باستاپ «جەتىگەن- دوستىق- جەتىگەن» تەمىر جول بايلانىسى مەملەكەت تاراپىنان سۋبسيديالاۋ نەگىزىندە قولعا الىنسا، بيىلعى جىلعى شىلدەنىڭ 21 نەن استانا مەن تالدىقورعاننان ءۇشارالعا اۋە قاتىناسى اشىلعان بولاتىن.
ەندى وعان قوسا تالدىقورعان مەن ءۇشارالدىڭ اراسىنداعى اۆتوموبيل جولى جوندەلسە، تۋريزم ءۇشىن ۇلكەن مۇمكىندىك بولماق.
