اشۋ بۋعان اكەسى ون جاسار قىزىن ءشول دالاعا تاستاپ كەتكەن
استانا. قازاقپارات - 28 جاستاعى امەريكالىق كريستوفەر ۆوتسون ءوزىنىڭ 10 جاسار قىزىن ارالارىنداعى ۇرىس-كەرىستەن سوڭ سۋسىز، تاماقسىز ءشول دالاعا تاستاپ كەتكەن.
ب ا ق- تاردىڭ دەرەكتەرى بويىنشا، جانجال قىزدىڭ اكەسىنىڭ قالامىن الىپ، ءبىراق ورنىنا قايتا قويماعاندىعىنان شىققان.
بۇل ەر ادامدى ىزالاندىرعانى سونشاما، ول قىزىن ماشيناعا وتىرعىزىپ ءشول دالاعا الىپ كەلگەن دە جالعىز ءوزىن تاماقسىز ءارى سۋسىز جەرگە تاستاپ كەتكەن.
سالدارىنان وقۋشى قىز اپتاپ ىستىقتىڭ استىندا قالعان. ابىروي بولعاندا، وسى ماڭدا اۆتوموبيلىمەن ءوتىپ بارا جاتقان ايەل شىجىعان كۇننىڭ استىندا تۇرعان ونى بايقاپ قالعان.
ارتىنشا پوليتسياعا حابارلايدى. قاتىگەز اكەنى پوليتسەيلەر قولعا ءتۇسىردى. قۇقىق قورعاۋشىلارعا ول قىزىنا 15 مينۋتتان سوڭ قايتا ورالعانىن، ءبىراق تابا الماعاندىعىن ايتقان.
وسى وقيعاعا بايلانىستى سوت 4- تامىزدا كريستوفەر ۆوتسونعا بۇلتارتپاۋ شاراسىن قولدانۋ تۋرالى شەشىم قابىلدايدى.
