ىستانبۇلداعى داۋىل، جارىلىس: بىرنەشە ادام جاراقاتتاندى، ەكەۋى اۋىر حالدە

ەكى ادامنىڭ جاعدايى اسا اۋىر، دارىگەرلەر ولاردىڭ ءومىرى ءۇشىن كۇرەسىپ جاتىر. تابيعي اپاتتىڭ سالدارىنان بوسفور شىعاناعىنداعى «مارماراي» تەمىرجول تۋننەلى جانە ونىڭ دۋبلەرى «ەۋرازيا» اۆتوموبيل جولى جابىلدى.

سونداي-اق، ىستانبۇلعا باعىت العان اۋە رەيستەرىنىڭ ءبىرقاتارى باسقا اۋەجايلارعا جىبەرىلدى، دەپ حابارلايدى تۇرىك ب ا ق- تارى.

توقتاۋسىز جاۋعان نوسەردەن مەتروپوليتەننىڭ بىرنەشە ستانتسياسىن سۋ باسىپ قالدى. كۇشتى جەلدەن حايدارپاشا پورتىندا كران قۇلاپ، سالدارىنان جارىلىس بولدى. ابىروي بولعاندا، ءورت سوندىرۋشىلەر ءتىلسىز جاۋدى جەدەل ءسوندىرىپ ۇلگەردى.

سوڭى بۇرشاققا ۇلاسقان الاپات نوسەر ىستانبۇلعا وسىدان ون كۇن بۇرىن سوققان سۇراپىل داۋىلدان كەيىن وسىلايشا قايتا ورالدى.

اۆتور: ەرلان قوجاكەلديەۆ