الماتى وبلىسىندا ۇشاق اپاتى بولعان ورىننىڭ سۋرەتتەرى جاريالاندى - فوتو

استانا. قازاقپارات - الماتى وبلىسىندا جۇگەرى ەگىستىگىن وڭدەۋگە شىققان ياك-12 ۇشاعى اپاتقا ۇشىراعان جەردە تۇسىرىلگەن فوتوسۋرەتتەر پايدا بولدى، دەپ حابارلايدى «قازاقپارات» ح ا ا ءتىلشىسى.

ەسكە سالا كەتسەك، وقيعا بۇگىن تاڭەرتەڭ پانفيلوۆ اۋدانىنىڭ شولاقاي اۋىلىنا جاقىن جەردە تىركەلگەن.

ق ر ي د م ازاماتتىق اۆياتسيا كوميتەتى تەرگەۋ اياقتالعانشا، ياك-12 ۇشاقتارىن پايدالانۋدى توقتاتقان ەدى.

وقيعا ورنىنا سالا ماماندارىنان قۇرىلعان كوميسسيا مۇشەلەرى ۇشىپ كەتكەن. اتالمىش وقيعا بويىنشا مينيسترلىكتىڭ كولىك وقيعالارى مەن وقىس وقيعالاردى تەكسەرۋ دەپارتامەنتى تەرگەۋ جۇمىستارىن باستادى.

وسى ۋاقىتقا دەيىن بەلگىلى بولعانداي، اپاتقا ۇشىراعان ياك-12 ۇشاعىنداعى ەكى ادام قازا بولعان.

اۆتور: ايان بەكەن ۇلى